Grapefruit Book

Gastronomía e música contemporánea danse a man no festival RESIS para celebrar a súa inauguración. Un programa de tres obras creadas todas elas por mulleres dará o pistoletazo de saída a tres semanas da cita máis importante da música contemporánea da Coruña.

Interpretadas por Arxis Ensemble, a composición de Rebecca Saunders DUST: BASS DRUM abrirá o programa ca percusión de Noè Rodrigo Gisbert.

Sara Glojnaric presenta por primeira vez en España LATITUDES, que terá a Magdalena Cerezo Facales como solista de piano.

A peza IMPROVISATION OF GRAPEFRUIT BOOK, unha improvisación sobre o mítico libro de Yoko Ono e icona da arte conceptual dos anos 60, pecha o programa cunha chiscadela á inminente celebración do Día do libro. Ao remate do concerto, os asistentes poderán degustar un cóctel servido polo chef con Estrella Michelin Luis Veira, de Árbore da Veira.